Asi waiti wakageza zvaipera
Uyu museve wamera pabonde uyu, aiwa tapera
Pwere dzonange marinda neupenzi
Dzonanzve rufu naho hwepauriri
Ndiyani aiziva kuti bonde richamera mazino akadai
Kunzi baba zvaireva bvakanyira revakadzi
Zvichinzi chinochembera itseketse, jongwe rinofa richikukuridza
Chaifadza chinombori chii nhai vakuru?
Ndihwoka upenzi hwepauriri
Zvino nhasi pauriri pamera huriri
Unogwabvura wakananga kumarinda
Upenzi hwava tsono inobaya
Ndikareko pamaiseva muto neupfeve vatete
Nhasi unochiruma churu zuva rakacheka nyika
Izvi hazvichadi upenzi, upenzi hwepuriri
Kufara ngatifarei hama,
Kudya kunwa kutamba nekuraradza
Asi upenzi yava svita yapamawere,
Totongoidya zvedu nemeso.
By Dydimus Zengenene
___________________________________________________
This comment has been removed by a blog administrator.
ReplyDeleteIzvi ndezve padonde neAIDSs nhai, munoseva zvineunyanzvi baba.
ReplyDeleteah, upenzi hwepauriri.inga zvakaoma chokwadi.
ReplyDeletehauna kukwana
ReplyDeleteKo handina kukwana ndaita sei nhai muverengi? Ko picture yangu zvaanongove makumbo evanhu amunoziva wani?
ReplyDelete